բաղադրատոմսեր

Ամառային կոկտեյլ

Բաղադրությունը

300 գր. յոգուրտ ըստ ճաշակի,
3 հատ ծիրան,
2 հատ դեղձ,
2 հատ կիվի,
2 հատ տանձ:

Պատրաստման եղանակները

Ծիրանը և դեղձը միասին տրորել, որ ստացվի պյուրե պես: Տանձը և կիվին նմանապես միասին տրորել: Բաժակի մեջ լցնել մի քիչ յոգուրտ, այնուհետ տանձի, կիվիի պյուրեն, նորից յոգուրտ, հետո դեղձի, ծիրանի պյուրեն, վերջում նորից յոգուրտ: Զարդարել ըստ ճաշակի: Համեղ է սառը վիճակում և շատ ախորժալի է:

Արցախի գաթա

Բաղադրությունը

Թթխմորի համար վերցնել 
250 գր. ալյուր, 
5 գր. խմորիչ, 
200 գր. ջուր, 
Խմորի համար վերցնել 
750 գր. ալյուր, 
200 գր. հալեցրած կարագ, 
5 ձու, 
200 գր. շաքար, 
7 գր. աղ, 
1 տուփ վանիլ,
Միջուկի համար վերցնել 
800 գր. ալյուր, 
350 գր. յուղ, 
300 գր. շաքարի փոշի,
Վրան քսելու համար
1 ձվի դեղնուց:

Պատրաստման եղանակները

Պատրաստել թթխմոր: Առանձին ամանի մեջ դնել փափկեցրած կարագ և 5-7 րոպե տրորել, այնուհետև ավելացնել շաքար, ձու, վանիլ, աղ և շարունակել տրորել մինչև միատարր զանգված դառնա: Այս զանգվածը լցնել խմորի մեջ և 3-4 րոպե խառնել: Դրանից հետո, անընդհատ խառնելով, հավասար բաժիններով լցնել ալյուրը, խմոր հունցել և 35-40 րոպե դնել տաք տեղ: Միջուկը պատրաստելու համար կարագը տրորել, ավելացնել ալյուր, լավ խառնել, լցնել շաքարի փոշի և լավ տրորել մինչև միատարր, փխրուն զանգված դառնա: Խմորը դնել ալյուր ցանած սեղանին, թեթևակի հունցել և բաժանել մասերի` 250 գ.: Խմորի բաժինները գրտնակով կլոր բացել` 5-6 սմ: Բացված խմորի վրա կարագ քսել և միջուկը դնել (200 գ.): Խմորի եզրերը միացնել իրար և կլոր ձև տալ, այնուհետև շուռ տալ մյուս կողմի վրա, մի քիչ տափակեցնել` 1.5-2 մմ-ով: Պատրաստի շերտերը դնել (միացրած կողմը դեպի ներքև) յուղ քսած տապակի վրա: Նախքան թխելը գաթաների երեսին ձվի ձեղնուց քսել, տարբեր նախշեր անել վրան և պատառաքաղով մի քանի տեղ ծակել: Թխել լավ տաքացրած ջեռոցում` 30-35 րոպե: